Bir neçə gün öncə, Bakı şəhər DYP əməkdaşlarının Malik İbrahimovun göstərişi əsasında bahalı avtomobilləri cərimə siqnal meydançalarına doldurulması və bu avtomobillərin 8 gündən çox saxlanılması ilə bağlı Bakunews.az saytında məqalə dərc edilmişdi. “Bakı şəhər Dövlət Yol Polis İdarəsinin “Gelandewagen” ovu – Bahalı avtomobillər niyə cərimə meydançalarına yığılır?” yazının dərc edilməsindən qısa müddət sonra, Baş Dövlət Yol Polisi İdarəsinin rəisi, polis general-mayoru Ramiz Zeynalov BŞDYP-nin akt zalında həbs edilmiş avtomobilərin sahiblərinin qarşısında çıxış etmişdir. Məqsədin isə mahiyyəti sürücüləri tərbiyələndirmək olduğu amma bu çıxışda məhz saytımızın adının çəkilərək hansı sürücünün bizə müraciət etməsi sualıda R.Zeynalov tərəfindən verilməsinə baxmayaraq vətəndaşlara hansı səbəbdən avtomobillərinə həbs qoyulması barədə heç bir məlumat verilməyib. Məsələnin bu qədər ciddi olduğu halda polis general-mayoru Ramiz Zeynalov zavod istehsalı olan avtomobilin səbəbsiz yerə 8 gün saxlanılmasına aydınlıq vermək əvəzinə şikayətçinin kimliyi ilə maraqlanmağa üstünlük verməsi olduqca pis qarşılanıb.
R.Zeynalov əslində Malik İbrahimovun qanunsuz verdiyi bu qərarın kimlərin xeyrinə hansı şəxslərin qazanc əldə etdiyinin sorğu sual etməməsi hələdə sürücülərdə narahatçılıq keçirməsinə səbəb olur. Bu halın yenidən təkrar olunmayacağına isə heç bir zəmanət verilməyib.
– Mator gücü 6.3 olan “Gelandewagen” əgər bu avadanlıqlar qadağandırsa, Azərbaycan Respublikası Daxili İşlər Nazirliyinin Baş Dövlət Yol Polisi İdarəsi bu avtomobilləri necə qeydiyyata alıb?
– Bu avtomobillərə Azərbaycan Respublikası Daxili İşlər Nazirliyinin Baş Dövlət Yol Polisi İdarəsi tərəfindən şəhadətnamələr qanunsuz olaraq verilib?
– Ümummillikdə BŞDYP idarəsinin atdığı addım BDYP idarəsinin verdiyi qərarların təqzib etmirmi?