Ölkəmizin təhlükəsizliyinin qorunmasında, vətəndaşlarımızın, təbiətimizin, sənayemizin və digər strateji obyektlərimizin təhlükəsizliyinin qarantı olan FHN vətənimizin qürur mənbəyidir.

İstər ölkə daxili, istərsə də beynəlxalq aləmdə baş verən meşə yanğınlarında, zəlzələ nəticəsində xilasetmə işlərində, neft hasilatı və digər irimiqyaslı qəzalar zamanı bu qrumun fövqəl fəaliyyəti və müstəsna xidmətləri xalqımıza və dövlətimizə həmişə baş ucalığı gətirmişdir.

FHN-də xidmət edən şəxsi heyət, sözün əsl mənasında dərin hörmət və sayğıya layiqdirlər. Həqiqətən də bu, belədir. Cənab Prezidentimiz bu nazirliyin əməkdaşlarını göstərdikləri igidliyə görə hər zaman diqqət mərkəzində saxlayır və layiq olduqları rütbə və mükafatlarını da verir. Bu da bizi ölkə vətəndaşı olaraq sevindirməyə bilməz.

Əfsuslar olsun ki, bəzən bu fövqəl nazirlikdə rəhbər vəzifə tutan bəzi məmurların qanuna zidd hərəkətləri haqda redaksiyamıza məlumatlar daxil olur. Sözsüz ki, bu məlumatlara mətbuat olaraq biganə qala bilmərik. Cünki söhbət korrupsiyadan gedirsə, çalışırıq ki, bu xoşagəlməz və dövlətimizin adına ləkə gətirən bəlanın qarşısını almaqda hər zaman prezidentimizin yanında olaq. Bir neçə gün öncə FHN-nin Dövlət Yanğından Mühafizə Xidmətinin Hacıqabul şöbəsində baş verən və bu nazirliyin adına yaraşmayan xoşagəlməz məlumatlar aldıq. Məlumatlarda deyilirdi ki, idarənin əməkdaşları yeni doğulan uşaqlar ücün valideynlərə verilən birdəfəlik müavinəti illərdir ki, ala bilmirlər. Bu da işcilərin haqlı narazılıqlarına səbəb olur. Eyni zamanda, FHN-nin Dövlət Yanğından Mühafizə Xidmətinin Hacıqabul şöbəsinin rəisi İlqar Namazovun göstərişi ilə hər ay şəxsi heyətin bütün rütbələrindən olan əməkdaşlarının əmək haqlarını qanunsuz olaraq azaltmasından narazılıqlar var. Yəni müntəzəm olaraq bir işcinin əmək haqqını azaldaraq digər işcinin əmək haqqına əlavə edir. Hansı ki, bu, yolverilməzdir və qanuna ziddir. Cünki hər bir əməkdaşın maaşı nazirlik tərəfindən dəqiq müəyən edilir və hər kəs aylıq məvacibinin nə qədər olacağını dəqiq bilir.

Deyilənlərə aydınlıq gətirmək ücün FHN-nin Dövlət Yanğından Mühafizə Xidmətinin Hacıqabul şöbəsinin baş mühasibi ilə görüşdüm. Xahiş etdim ki, idarədə məvaciblə bağlı deyilənlərə aydınlıq gətirsin. Baş mühasib gənc xanım olduğu ücün rica etdi ki, adını mətbuatda cəkməyək. Biz də söz verdik ki, belə də olacaq və sözümüzə əməl etdik. Baş mühasib bildirdi ki, haqqında danışdığımız xoşagəlməz hallar var. Biz calışarıq ki, tezliklə bu məsələləri həll edək.

Biz də istəyirik ki, həll olunsun. Ancaq böyük nazirliyin kiçik bir idarəsində işçilərin hüquqlarının pozulmasına göz yumulmasına ancaq təəccüb etmək olar. İdarənin rəisi İlqar Namazovla görüşmək istəsək də, bu mümkün olmadı. Çünki rəis bilirdi ki, əlimizdə digər faktlar da var. Bəs bu və digər faktlar nədən ibarətdir?

FHN-nin Dövlət Yanğından Mühafizə Xidmətinin Hacıqabul şöbəsinin Nəvahi kəndində daha bir yanğından mühafizə tağımı yerləşir. Adı cəkilən tağıma zabit Abbasov Asif Xaləddin oğlu rəhbərlik edir. Əldə etdiyimiz məlumata görə, Asif Abbasov tabeliyində olan işçiləri günu 20 manata işə gəlməməsinə icazə verir. Nəticədə, fövqəladə hadisə vaxtı məhz şəxsi heyətin azlığına görə işin öhdəsindən gələ bilmirlər.
Verilən məlumat cox ciddi xarakter daşıdığı ücün bu sahədə də araşdırma aparmağı qərara aldıq. Apardığımız araşdırma özünü doğrultdu. Belə ki, Nəvahi tağımının komandiri Asif Abbasov tağımın əməkdaşı Kazımov Səfər Hüseyn oğlunu bir ayliq əmək haqqı müqabilində qanunsuz Rusiyaya istirahət etmək ücün getməsinə icazə verib. Nəticədə, həqiqətən Səfər Kazımov 12.08.2018-ci il tarixindən 28.08.2018-ci il tarixinədək hec bir məzuniyyəti və rəsmi icazəsi olmadan Rusiya Federasiyasına getmişdir. Sözsüz ki tağım komandiri Asif Abbasov belə qanunsuz addımı FHN-nin Dövlət Yanğından Mühafizə Xidmətinin Hacıqabul şöbəsinin rəisi İlqar Namazovun xəbəri olmadan edə bilməzdi.

Asif Abbasovun qanuna zidd hərəkətləri bununla bitmir. Tağıma nəqliyyat ücün ayrılan aylıq dizel və benzin yanacağı da müxtəlif üsullarla hesabdan silinərək şəxsi əmlak kimi mənimsənilmişdir. Aydın məsələdir ki, yanacaq məsələsi də idarənin rəisi İ.Namazovun xeyir-duası ilə həyata kecrilmişdir. Başqa cür mümkün deyil.

Hesab edirik ki, aidiyyəti qurumlar bu məsələyə bizdən daha yaxşı aydınlıq gətirəcəklər. \\tezadlar.az\

Paylaş