SOCAR prezidenti Rövnəq Abdullayevin oğlu Rəşad Abdullayevi Türkiyə ictimaiyyəti məlum “əhliyyət biabırçılığı”ndan tanıyır. 2016-cı ilin mayında sərxoş vəziyyətdə saxlanarkən türk polislərinin üstünə Kaliforniya, Qətər və Azərbaycan sürücülük vəsiqələrini tullayaraq “bəyəndiyini seç” demişdi. Amma Rəşad Abdullayev həm də atasının SOCAR-dan yararlandığı imkanlar hesabına sahib olduğu geniş biznes şəbəkəsi ilə də hər zaman diqqətdə olub. O da Azərbaycanın digər məmur övladları kimi “qeyri-adi istedad sahiblərindən”dir. Şirkətlər, otellər, restoranlar, istirahət və əyləncə mərkəzləri, daşınmaz əmlak biznesi…
Criminal.az xəbər verir ki, müstəqil jurnalist Cavanşir Həsənlinin təqdim etdiyi siyahı da SOCAR prezidentinin “hazırdan kökə tapan” oğlunun hələ ki məlum olanlarıdır. Niyə hələ ki? SOCAR yeraltı bir dünyadır, onu təhqiq etməyə illər, böyük əmək lazımdır.
1. ALPHA ROGER PROJE İNŞAAT VE GAYRIMENKUL DANIŞMANLIK SANAYİ VE TİCARET ANONİM ŞİRKƏTİ 2013-cü ilin 11 iyununda İstanbul Ticaret Odasında Rövnəq Abdullayevin oğlunun adına qeydə alınıb. Qeydiyyat nömrəsi: 872091/0. Nizamnamə kapitalı 50 min lirədir. Şirkət əvvəllər İstanbulun İs Esentepe məhəlləsindəki Kore şəhidləri küçəsi 40 ünvanında SOCAR prezidentinin oğluna məxsus binada yerləşsə də, sonradan İstanbulun Sarıyer bölgəsində, Ahi Evran küçəsiindəki Polaris Plazanın 8-ci mərtəbəsinə köçüb.
Ümumiyyətlə Polaris Plazada İstanbulun böyük şirkətləri yerləşir. İnşaat və daşınmaz əmlak sektorunda fəaliyyət göstərir. Şirkət çoxsaylı binalar, ticarə və iş mərkəzləri tikintisi ilə məşğuldur, inşaat üçün İstanbulda böyük ərazilər satın alıb.
*İdealtepe Hatboyu sk No:35 Deniz Palas aprt.
*Maltepe / İstanbul 20 mənzil
*İdealtepe Mh. Beyazköşk Sk Güldoğan Aprt No:3 İdealtepe 30 mənzil
*İdealtepe Mh. Sümer Sk Manolya Aprt / 25 mənzil
*Ataşehir Yenişehir Mh. Özgür Sk Ceren Aprt. 8 mənzil
*İdealtepe Göz Vakfı 32 mənzil
*İdealtepe Sümer Sk. 25 mənzil (Manolya Aprt-2)
*Maltepe Yalı Mah Feyzullah Sk. 42 mənzil 6 ticarət obyekti LAYİHƏLƏR
*Ulus 50 daire
*Rüzgarlıbahçe / Beykoz 4 Blok 152 mənzil
*Beykoz 578 Ada Parsel Yapılaşma Etüdü (Bu siyahıya Alpha Roger Group-a aid http://www.alpharoger.com saytından baxa bilərsiniz)
2. ALPHA ROGER GROUP HOLDİNG ANONİM ŞİRKETİ
Rövnəq Abdullayevin oğlu ALPHA ROGER GROUP HOLDİNG ANONİM ŞİRKETİ-ni 2014-cü il yanvarın 7-də İstanbul Ticarət Odasında qeydiyyatdan keçirib. Qeydiyyat nömrəsi: 900746/0. Nizamnamə kapitalı 50 min lirədir. Bu şirkət də əvvəlcə Rəşad Abdullayevin Zincirlikuyu, Esentepe məhəlləsindəki binasında fəaliyyət göstərib, sonradan Sonradan Sarıyerdəki Polaris Plazaya daşınıb.
3. TRA LOJİSTİK VE DIŞ TİCARET ANONİM ŞİRKETİ
SOCAR prezidentinə məxsus olan bu şirkət 2014-cü ilin fevralın 3-də İstanbul Ticaret Odasında qeydiyyatdan keçib. Şirkətin qeydiyyat nömrəsi 907772/0, nizamnamə kapitalı 50 min lirədir. Türkiyə daxilində və xaricində hava, dəniz, dəmiryolu və avtomobil yolları üzərindən logistika və daşınma ilə məşğuldur. Şirkət Rövnəq Abdullayevin oğlu Rəşad Abdullayevin və Turan Həsənzadənin adına rəsmiləşdirilib, Kamil Demir adlı Türkiyə vətəndaşı tərəfindən idarə edilir.
4. TRA MARKETİNG – TRAMARKETİNG GIDA PAZARLAMA SANAYİ VE TİCARET ANONİM ŞİRKETİ
Bu şirkət adından da bəlli olduğu kimi ərzag məhsullarının idxal və ixracı, topdan və parakəndə satışı ilə məşğul olur, Rəşad Abdullayevin ortağı Turan Həsənzadənin adına qeydiyyatdan keçirilib. Şirkət ünvanında İstanbulda Barbaros Mah. Ihlamur Blv. My Prestige Ataşehir ünvanında yerləşir.
5. ALPHA ROGER MEDİA VE YAYİNCİLİK, SANAYİ TİCARET LİMİTED ŞİRKETİ
Şirkət 2013-cü ilin 11 iyunundan fəaliyyət göstərib. Qeydiyyat nömrəsi 872114/0, nizamnamə kapitalı 10 min lirədir. Adından da göründüyü kimi çap və yayın sahəsində fəaliyyət göstərib. Şirkət Rəşad Abdullayevin adına qeydiyyatdan keçirilib, hazırda ləğv edilib.
6. ALPHA ROGER TURİZM SANAYİ VE TİCARET ANONİM ŞİRKETİ
2013-cü il aprelin 9-dan fəaliyyətdədir. Əvvəllər Aleph Turistik İşletmeler Sanayi ve Ticaret Anonim Şirketi adı altında fəaliyyət göstərib. Şirkət İstanbul Ticaret Odasında SOCAR prezidentinin oğlunun adına qeydiyyatdan keçib, qeydiyyat nömrəsi 863392/0, nizamnamə kapitalı 50 min lirədir. Otel, restoran, gecə klubları, çay evləri, istirahət mərkəzləri işlətməçiliyi ilə məşğuldur. Şirkətin Türkiyənin bir çox şəhərlərində, o cümlədən İstanbul, Bodrumda ayrıca qeydiyyata alınmış şöbələri var. Məsələn, İstanbuldakı Levent şöbəsi 17 fevral 2017-ci ildə qeydiyyatdan keçib. Fırat Bakar adlı Türkiyə vətəndaşı idarə edir. Ünvanı: LEVENT MAH.BÜYÜKDERE CAD. NO:136/1 BEŞİKTAŞ, İSTANBUL.
Şirkətin Beşiktaşdakı digər şöbəsi isə Levent məhəlləsinin digər səmtindəki Sülün küçəsi 15 ünvanında qeydiyyata alınıb. Şöbə Türkiyə vətəndaşı İlker Atamert tərəfindən idarə olinir. Bu ünvanda Türkiyə boyunca böyük inşaat işləri aparan daha bir şirkət – İpek İnşaat Taahhüt Sanayi ve Ticaret Limited şirkəti də qeydiyyatdan keçib.
7. TOY ROOM gecə klubu Dünyaca məşhur bu gecə klubu London və Dubaydan sonra İstanbulda açılıb, Nispetiye Mah. Nispetiye Cad. No:15 ünvanında yerləşir. Gecə klubu ALPHA ROGER PROJE İNŞAAT VE GAYRİMENKUL DANIŞMANLIK SAN.TİC.LTD.ŞTİ.-nə aiddir.
Gecə klubu Etiler şirkətinə aid məşhur Meridian hotelində yerləşir, Abdullayevin bu oteldə pay sahibi olduğu barədə məlumatlar var. SOCAR prezidentinin oğluna məxsus bu ünvanda əvvəllər onun Layka restoranı fəaliyyət göstərib. Deyilənlərə inansaq, Rövnəq Abdullayevin oğlu it həvəskarı olduğu üçün əvvəlcə restoranlarına itinin adlnı verib. Bodrumda Rövnəq Abdullayevin oğluna məxsus B-LONG restoranı da əvvəllər Layka adı ilə fəaliyyət göstərib. criminal.az
8. B-LONG RESTORANIBodrumda dəniz sahilində yerləşən restoran Rövnəq Abdullayevin oğluna məxsus ALPHA ROGER TURİZM SANAYİ VE TİCARET ANONİM ŞİRKETİ-nin Bodrum şöbəsi vasitəsilə alınıb və idarə edilir (ünvanı: Yalıkavak-Merkez Mah. Çökertme Cad. 14 Bodrum, Muğla).
9. YALIKAVAK MARİNA BOUTİQUE HOTELOtel Bodrumda Yalıkavak-Merkez Mah. Çökertme Cad. 57 ünvanında yerləşir. İşadamı Mübariz Mənsimova məxsus və SOCAR rəhbərinin ələ keçirmək istədiyi Palmarine-də yerləşir. ALPHA ROGER TURİZM SANAYİ VE TİCARET ANONİM ŞİRKETİ-nin Bodrum şöbəsi də bu ünvanda qeqydiyyata alınıb.
10. HİDROPARK LOJİSTİK DIŞ TİCARET LİMİTED ŞİRKETİ2013-cü ilin 4 oktyabrında təsis olunan bu şirkət Rəşad Abdullayevin şəriki Turan Həsənzadənin və onun ortağı, Azertexnolayn MMC-nin idarə heyətinin sədri Emruz İsgəndərovun adına İstanbul Ticarət Odasında qeydiyyatdan keçib. İstanbul Umraniyyədə fəaliyyət göstərir.
