Bakının Xəzər rayonu Mərdəkan qəsəbəsində xəsarətlə nəticələnən yol-nəqliyyat hadisəsi baş verib.
“Report”un məlumatına görə, avtomobil yolu keçən 1989-cu il təvəllüdlü Sənubər Nadir qızı Rzayevanı vurub.
Yaralı təcili tibbi yardımın köməyi ilə xəstəxanaya çatdırılıb.
Müayinə zamanı ona sağ bazu sümüyünün açıq yerdəyişən sınığı diaqnozu qoyulub.
Faktla bağlı araşdırma aparılır.
