İqtisadiyyat.az xəbər verir ki, metroda zərərli iş şəraitində çalışan işçilər üçün südün tədarükünü həyata keçirəcək şəxs müəyyənləşib.

Belə ki, metro işçiləri üçün südü fərdi sahibkar Həsənova Esmira Hadı qızı satacaq. Metropoliten 44.730 litr süd üçün sahibkara 122.452,85 manat ödəniş edəcək. Beləliklə, sahibkar südün bir litrini Bakı metrosuna 2,73 manata satacaq.

Artıq sahibkarla QSC arasında müqavilə də imzalanıb.

Qeyd edək ki, E.Həsənova bundan əvvəllər də metronun südün tədarükü ilə bağlı elan etdiyi tenderlərin dəfələrlə qalibi olub.