Avropa Komissiyası Aİ-yə 2040-cı ilə qədər istixana qazı emissiyalarını 90 % azaltmağı tövsiyə edib. Bunun o cümlədən bərpa olunan enerji mənbələrinin və nüvə enerjisi texnologiyalarının geniş tətbiqi yolu ilə həyata keçirilməsi gözlənilir.
2040-cı il üçün yeni hədəf Avropanın enerji balansını dəyişəcək.
Avropa Komissiyası həmçinin 2050-ci ilə qədər yüz milyonlarla ton CO2 emissiyasının tutulması və saxlanması planlarını əks etdirən sənəd dərc edib.
Ümumi hədəf Aİ-nin rəsmi iqlim məsləhətçiləri tərəfindən tövsiyə edilən diapazonda olsa da, Aİ icra hakimiyyəti kənd təsərrüfatı ilə bağlı bəzi tövsiyələri yumşaldıb. Bundan əvvəl “yaşıl” təşəbbüslərdən narazı olan fermerlərin bir neçə etirazları baş verib.