Dövlət Şəhərsalma və Arxitektura Komitəsi Ağdərə, Xocavənd və Xocalı şəhərlərinin baş planlarının hazırlanması məqsədiylə “Azərdövlətlayihə” Dövlət Baş Layihə İnstitutu ilə satınalma müqavilələri imzalayıb. Yeniavaz.com xəbər verir ki, müqavilələr tender müsabiqəsi keçirilmədən bir mənbədən satınalma metodu əsasında imzalanıb.
Ağdərə şəhərinin baş planının hazırlanması üçün “Azərdövlətlayihə”yə 509 min 760 manat, Xocavənd şəhərinin baş planı üçün 469 min 286 manat, Xocalı şəhərinin baş planı üçün isə 649 min 590 manat ödəniləcək. Ağdərə, Xocavənd və Xocalı şəhərlərinin baş planlarının hazırlanması işləri 29.04.2024-cü il tarixində başlayıb 29.07.2025-ci il tarixində başa çatacaq.
Məlumat üçün onu da bildirək ki, işğaldan azad olunan digər şəhərlərin baş planlarının hazırlanması işləri üçün daha əvvəl tender müsabiqələri keçirilib.
Aşağıdakı cədvəldə işğaldan azad olunan şəhərlərin baş planlarını hazırlayan şirkətlərin adları və ödəniləcək məbləğ qeyd olunub:
