Sentyabrın 20-nə keçən gecə Ermənistan polisi Rusiyanın İrəvandakı səfirliyinin binasına giriş-çıxışı bərpa edib, bir neçə etirazçını saxlayıb.
“Korrupsiya.az” Rusiya mətbuatına istinadən xəbər verir ki, saxlanılanların dəqiq sayı barədə məlumat verilmir. Belə ki, polis əməkdaşları ilk olaraq etirazçılara geri çəkilmək üçün vaxt verib. Aksiya iştirakçıları bu tələbə məhəl qoymadıqda isə polislər onları saxlamağa başlayıb.
Qeyd edək ki, Ermənistan Səhiyyə Nazirliyinin məlumatına görə, hökumət əleyhinə nümayişlər zamanı 30-dan çox insan xəsarət alıb.
