Yeni Zelandiyada 360 dərəcə fırlana bilən “Mayak” adlı ev satışa çıxarılıb. Mühəndis Don Dunikin Maraetai qəsəbəsində öz torpağında tikdiyi evi “Sotheby’s International Realty” daşınmaz əmlak şirkəti satışa çıxarıb.

Şirkət 1 milyon Zelandiya dolları (təxminən 1 milyon manat) dəyərində olan evə ziyarətçi axınının olduğunu bildirib. Dunik bu evi 35 il əvvəl dostları ilə birlikdə 5 il ərzində tikib.

Dunik evi niyə belə tikdiyininm səbəbini izah edib: “Məsələn günəş işığı televizorun qarşısına düşürdü, mən də evi fırlatdım. Bəzən meşə mənzərəsi istədiyim üçün, bəzən də dəniz mənzərəsi istədiyim üçün evi çevirirdim”.(Publika.az)