Teref.az yazır ki, müstəqil araşdırmaçı jurmalist Cavanşir Həsənli azərbaycan məmurlarının Avropada olan biznesləri ilə bağlı yeni araşdrma ilə sosial şəıbəkədə paylaşım edib.
Cavanşir Həsənli yazır:
Keçmiş vergilər naziri Fazil Məmmədovun kürəkəni Əbdül Əliyev (vergilər nazirinin keçmiş müavini Namiq Əliyevin oğlu) İngiltərədə daha 2 şirkət açıb.
Əbdül Əliyev bu ilin iyunun 27-də Londonda NOAP PROPERTIES LIMITED şirkətini (qeydiyyat nömrəsi 12072403) qeydiyyatdan keçirib. Şirkətin qeydiyyat ünvanı 12 Second Floor, Ogle Street, London, England olaraq göstərilib. Şirkət daşınmaz əmlak biznesi ilə məşğul olacaq.
Ötən ayın 16-da isə onun daha bir şirkəti Londonda qeydiyyata alınıb. AMPCO 147 LIMITED-in hüquqi ünvanı isə (qeydiyyat nömrəsi12208094) 7 The Ropewalk, Nottingham kimi göstərilib.
Bununla Əbdül Əliyevin İngiltərədə təkcə bu il qeydiyyatdan keçirdiyi şirkətlərin sayı 3-ə, ümumilikdə Londonda fəaliyyətdə olan şirkətlərinin sayı 8-ə (qapadılan şirkətlər daxil deyil) çatıb. Bundən əvvəl isə o, bu ilin aprelində Britaniya paytaxtında biznes mərkəzlərinin tikintisi və idarəçiliyi sahəsində fəaliyyət göstərən OKAA PROPERTY LIMITED şirkətini qeydiyyatdan keçirmişdi. Belə görünür ki, sabiq nazir biznesinin ağırlıq mərkəzini İngiltərəyə köçürməkdə qərarlıdır.
Əbdül Əliyevin Britaniya və Almaniyada indiyədək çoxlu sayda şirkətləri olub.
Qarşı tərəfin mövqeyini işıqlandırmağa hazırıq!
Teref.az
