Meksikada El Çapo ləqəbli məşhur narkobaron Xoakin Quzmanın oğlu Ovidio Quzman Lopez ölkənin şimalında saxlanılıb.
“Korrupsiya.az” xəbər verir ki, Meksikadakı federal hökumət mənbələrinə görə, ABŞ tərəfindən ən çox axtarılan narkotik tacirlərindən biri olan Quzman Culiacan şəhərində keçirilən əməliyyatda yaxalanıb.
Ştat qubernatorunu sözlərinə görə, federal polisin səhər saatlarında əməliyyat keçirdiyini və ictimaiyyətdən evlərini tərk etməmələrini istəyib.
Əməliyyatın təfərrüatları hələlik səlahiyyətlilər tərəfindən açıqlanmayıb.
Qeyd edək ki, El Çapo ləqəbli Xoakin Quzman iyul ayında ABŞ-ın Nyu-York ştatında iş üzrə ömürlük həbs cəzasına məhkum edilib.
2001 və 2015-ci illərdə Meksikada iki ciddi rejimli həbsxanadan qaçan Xoakin Quzman sonuncu dəfə 2016-cı ilin yanvarında tutulub və ABŞ-a ekstradisiya edilib.
