Bakıda adam oğurluğunda ittiham olunan Elturan Daşdəmirov və onun əmisi oğlu Tərlan Daşdəmirovun barəsindəki qərardan verilən kassasiya şikayəti üzrə məhkəmə iclası başlayıb.
Pravda.az-ın əldə etdiyi məlumata görə, Ali Məhkəmənin hakimi Rəşad Abdulovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmənin növbəti iclası mayın 21-nə təyin edilib.
Qeyd: Hadisə 2020-ci ilin mart ayında Sabunçu rayonunda baş verib. Elturan Daşdəmirov və onun əmisi oğlu Tərlan Daşdəmirov birlikdə qız qaçırıblar. Elturan Daşdəmirov qaçırılan Q.M (ad və soy ad şərtidir) ilə evlənmək niyyətinin olduğunu bildirib. Zərərçəkmişin isə bu evlilikdə istəyi olmayıb.
Hər iki şəxs saxlanılaraq məsuliyyətə cəlb olunub. Onlar barəsində Cinayət Məcəlləsinin 144.2.3-cü (bir qrup şəxs, qabaqcadan əlbir olan bir qrup şəxs və ya mütəşəkkil dəstə və ya cinayətkar birlik (cinayətkar təşkilat) tərəfindən adam oğurluğu törətmək) maddəsi ilə ittiham elan edilib.
Bakı Ağır Cinayətlər Məhkəməsinin hökmü ilə Elturan Daşdəmirova 9, Tərlan Daşdəmirova isə 8 il müddətinə azadlıqdan məhrum olunub.
