Azərbaycanlı jurnalist və “Nə? Harada? Nə zaman?” televiziya oyununun iştirakçısı Rövşən Əsgərov Moskvanın Savyolovski Məhkəməsi tərəfindən 50 min rubl (945 AZN) cərimələnib.

Bu barədə RİA Novosti məlumat yayıb.

R. Əsgərov İnzibati Xətalar Məcəlləsinin 19.34-cü maddəsinin 4-cü hissəsi (Xarici şəxsin fəaliyyət göstərməsi qaydasını pozma) ilə təqsirli bilinib. Səbəb ulduzun şəxsi “Youtube” kanalında xarici şəxs işarəsinin olmaması olub.

Qeyd edək ki, ötən ilin sentyabrında məhkəmə artıq Əsgərovu oxşar maddə ilə cərimələyib. Bundan əlavə, avqust ayında o, xarici şəxs kimi səlahiyyətli orqana hesabat təqdim etmədiyinə görə də cərimələnib./baku.ws

Paylaş